Премія Александра Духновіча за русиньску літературу

Карпато-русиньскый научный центер в СШАвыголошує каждорічну Премію Александра Духновіча за русиньску літературу.Преміов тісяч америцькых доларів і бронзовов сошков карпатьского медвідя буде оцїнена нaйлїпша книжка в катеґоріїпоезії або прозы, написана по русиньскы і надрукованаза послїднїй 5-річный період.

Премія Александра Духновіча помагать хоснованю русиньского языка в літературных творах, котры приносять вызначный вклад до русиньской красной літературы. Премію фінанцує Штефан Чепа з Торонта і удїлює Карпато-русиньскый научный центер в США. 

Книгы красной літературы надрукованы в роках 2010 – 2014 мають право здобыти премію в роцї 2015. Повинностёв авторів або выдавателїв є представити і предложыти по 3 екземплары з каждой книжкы з коротков біоґрафіов автора. Послїднїм датумом на засланя вшыткых матеріалів є 1. апріль 2015.

Літературны творы буде посуджовати одборна комісія, членами котрой в роцї 2015 суть: Патріція Кравчік (США), Богдан Горбаль (США), Олена Дуць-Файфер (Польща).

Адресы, на якы треба послати книжкы:

2 екземплары: Patricia Krafcik, The Evergreen State College, Olympia, Washington 98505  USA   (e-mail: krafcikp@evergreen.edu)

1 екземплар: Olena Duć-Fajfer, ul. Chełmońskiego  72E/13, 31-340 Kraków, Polska

Go back