Новинкы • 11/2015 - Aкадемія

Aкадемія
Новинкы • 11/2015

Уряд влады Словацькой републікы зачінать выплачати грошы меншынам

Уряд уповномоченого влады Словацькой републікы про народностны меншыны зачав процес підписованя змлув із успішныма жадателями о дотації з проґраму Култура народностных меншын 2015 р. Інформує о тім пресова справа Уряду влады СР, під котрый належыть і Уряд уповномоченого.

Выорав глыбоку борозду на културнім полю

(Ку 90-річному юбілею Штефана Ладижиньского.) Вызнамна особность музичного жывота нелем в рамках нашого реґіону, але і в рамках бывшой Чехословакії, пізнїше Словакії – Штефан Ладижиньскый 7. марца 2015 ославив вызначный жывотный юбілей 90-ёх років. Пережыв рокы, наповнены плодным діятельством на културнім полю, котре є великым вкладом про розвой так професіоналных, як і аматерьскых колектівів умелецькой творчости, котры нам все приносили немалу радость.

Позваня на 30. семінар карпаторусиністікы

Інштітут русиньского языка і културы Пряшівской універзіты у ПряшовіВас позывать на 30. научный семінар карпаторусиністікы, якый буде 18. марца (середа) 2015 о 11.00 год. в засїдалнї Consilium maius(2. шток, ч. 328) Ректорату Пряшівской універзіты, ул. 17. новембра ч. 15.

XIII. Світовый конґрес Русинів одбуде ся в днях 19. – 21. юна 2015 в містї Дева в Румуніі

Світова рада Русинів приняла рїшіня, же XIII. Світовый конґрес Русинів одбуде ся в днях 19. – 21. юна 2015 року в містї Дева в Румунії. Присвяченый він буде 15. річницї прийнятя Културного общества Русинів Румунії (Uniunea Culturală a Rutenilor din Romania) до Світового конґресу Русинів.

Клуб на заплаканя

Мій остатнїй коментарь, котрый дотуляв ся роботы Світовой рады Русинів, самого председу Дюру Папуґу так назлостив, аж мусив написати реакцію. В порядку. Окрім іншого, в ній писав, же єм неадекватным способом оцїнив і крітіковав роботу Світовой рады. Но, не пересвідчів ня ани на секунду своїм текстом, і што навеце, по послїднїм засїданю рады у Деві собі думам, же дотеперь єм іщі все мав надію, же аж таке плане то з радов не є. Теперь знам, же є.

Read more … Клуб на заплаканя