Русиньскый фестівал у Свіднику уж має свій датум

Датум тогорічного Русиньского фестівалу є вже знамый. Успішна подія з оріґіналным проґрамом буде проходити од 25-го до 31-го мая 2015 р. у Свіднику.

3-їй річник Русиньского фестівалу з моттом „Од Русинів про вшыткых“ принесе мултіжнарову проглядку народностных меншын із міджінароднов участёв. За выникнутём фестівалу є намаганя представити русиньску културу в цїлодержавній діяльстві і на европскій уровни. Супроводны події будуть проходити почас цїлого тыждня і саме завершіня фестівалу буде вже традічно через вікенд. Култура Русинів буде презентована формов театралных пєс, промітаня філмів, бесїд, выступлїнь фолклорных ансамблїв, якостных музичных, співацькых і танечных колектівів.

Фестівал ся приготовлює про публіку вшыткых віковых катеґорій зо замірянём на розвиток молодежи і дїтей, інформовала у своїй пресовій справі Окресна орґанізація Русиньской оброды во Свіднику, котра є головным орґанізатором Русиньского фестівалу.