Воєньска історія на Пряшівскій Руси
В суботу 18-го апріля 2015 будуть проходити аж дві події заміряны на воєньску історію на Пряшівскій Руси.
Перша подія має назву Великодня битва і одбуде ся в селї Збудьска Біла, окрес Міджілабірцї. Подія, котра є орґанізована Пряшівскым клубом воєньской історії Дукля і селом Збудьска Біла, зачінать о 14.00 год. пополідне і є присвячена 100-річніці Великоднёй битвы, котра одбыла ся почас першой світовой войны. На події вас чекать реконштрукція тых боїв.
Друга подія, котра одбуде ся в тот самый день, буде в Стебнику, Бардеёвского окресу. Подія має назву Карпаты 1914 / 1915 і окрім демонштрації того, як втогдышнї амрады цвічіли, на вас чекать і културный проґрам. Подія зачінать уж о 10.00 год. дополудне і завершінём події буде так само реконштрукція боїв, котра зачне о 14.00 год. Головным орґанізатором є Клуб воєньской історії Бескиды.
Вшыткых любителїв воєньской історії на теріторіях Пряшівской Руси, де боёвали і Русины, сердечно запрошаме.