Зась по русиньскы – зась в Празї!

• Популарна русиньска співачка Марія Мачошкова з Пряшова.

В Ческій республіцї фурт проходять русиньскы акції, котры за помочі інформаціям од нашых чітателїв любиме передавати далше.

 

Теперь ся одбуде о 25. стріча любителїв ансамблю Скеюшан, котра буде ся 16. мая 2015 р. од 14.00 год. в Культурнім Домі в Їркові і так мейловы скринкы заполняють ся нам далшыма русиньскыма подіями в Ческій республіцї.

 

День по стрічі в Їркові, 17. мая, любителї русиньской народной музикы і співу Марії Мачошковой наісто повинны ся перенести до Прагы, де знана в многых країнах русиньска співачка заспівать в Домі народностных меншын на ул. Воцеловій 602/3. Концерт зачне ся о 17.00 год.

 

То іщы не вшытко, бо 30. мая 2015 р. мож зась припутовати до Прагы, де в рештаврації “Na Ořechovce”, на ул. Выходна 7 одбуде ся русиньска забава при музыці ансамблю „Аполлон”. Резервація місць через і-майл: info@rusini.cz.

Go back