Семінар про учітелькы русиньского языка нашых вечернїх шкіл

Семінар про учітелькы русиньского языка нашых вечернїх шкіл про дїти і дорослых oдбыв ся 21. мая 2015 на Інштітутї русиньского языка і културы Пряшівской універзіты. Тоты найкомпетентнїйшы школили нашы учітелькы.

 

Привітала нас панї директорка інштітуту доц. ПгДр. Анна Плїшкова, ПгД., і два главны рефераты мали пан доц. ПгДр. Василь Ябур, к. н., єден із кодіфікаторів списовного русиньского языка в 1995 році, і панї ПгДр.Кветослава Копорова, ПгД., учітелька даного інштітуту. Представлили нашым учітелькам одборны языковы проблемы нашого языка, напр. склонёваня придавників із назывниками, або іншы часты хыбы в хоснованю нашого материньского языка на верейности, або в процесї транслітерації із азбукы до латинікы. На семінар пришли учітелькы із окресів Снина, Свідник, Гуменне і Левоча.

 

ПгДр. Люба Кралёвца, ПгД., председкыня ОЗ Колысочка -  Kolíska, фоткы: Зденка Цітрякова.

• Тройця школителїв із Інштітуту русиньского языка і културы ПУ в Пряшові : (злїва) ПгДр. К. Копорова, ПгД., доц. ПгДр. В. Ябур, к. н., доц. ПгДр. А. Плїшкова, ПгД.
• Погляд на русиньскы учітелькы з вечурнїх школ про дїтей і дорослых на семінарї, котрый ся на ІРЯК ПУ в Пряшові одбыв 21. мая 2015.
• Выступать (перша справа) ПгДр. Л. Кралёва, ПгД., котра є главнов орґанізаторков вечурнїх школ русиньского языка як председкыня ОЗ Колысочка – Kolíska.

Go back