СЛАВЯНЬСКЫЙ СВІТ: ВЫЗВЫ СУЧАСНОСТИ
22. – 23. МАЯ 2015 У БУДОВІ УЖГОРОДЬСКОГО МІСТЬСКОГО УРЯДУ ПРОХОДИЛА НАУЧНО-ПРАКТІЧНА КОНФЕРЕНЦІЯ, ПРИСЯЧЕНА ДНЮ СЛАВЯНЬСКОЙ КУЛТУРЫ І ПИСЕМНОСТИ НА ТЕМУ „СЛОВʼЯНСЬКИЙ СВІТ: ВИКЛИКИ СУЧАСНОСТІ“ (СЛАВЯНЬСКЫЙ СВІТ: ВЫЗВЫ СУЧАСНОСТИ). ОРҐАНІЗАТОРОМ КОНФЕРЕНЦІЇ БЫЛА ВЫХОДНОЕВРОПСКА СЛАВЯНЬСКА УНІВЕРЗІТА.
ПЕРШЫЙ ДЕНЬ КОНФЕРЕНЦІЇ ПРОЗВУЧАЛО ДЕСЯТЬ РЕФЕРАТІВ, МІДЖІ КОТРЫМА ОДЛИШОВАВ СЯ ВЫСТУП РУСИНСЬКОГО УЧЕНОГО-БАТАТЕЛЯ МИХАІЛА АЛМАШІЯ ПІД НАЗВОВ РУСИНЬСКЫЙ ЯЗЫК У РОДИНЇ СЛАВЯНЬСКЫХ ЯЗЫКІВ". РУСИНІСТ НА ПРИКЛАДЇ ПОРІВНЯЛНОЙ АНАЛІЗЫ СЛАВЯНЬСКЫХ ЯЗЫКІВ ЗМІГ ДОКАЗАТИ ОКРЕМІШНОСТЬ І ОРІҐІНАЛНОСТЬ РУСИНСЬКОГО ЯЗЫКА.
СЛОВАЦЬКЫЙ УЧЕНЫЙ ИЗ КОШІЦЬ СТАНІСЛАВ КОНЕЧНІ ДОКАЗОВАВ, ЖЕ РУСИНЬСКЫЙ НАРОД "МАЄ СТАТИ СУБЄКТОМ, А НЕ ОБЄКТОМ МІДЖІНАРОДНОГО ПРАВА".
ФАКТІЧНО ПІДТРИМАЛИ ЕКЗІСТОВАНЯ РУСИНЬСКОГО ЯЗЫКА У СВОЇХ РЕФЕРАТАХ ЯНА БОРТОШОВА З ПРАЖСКОГО НАРОДНОГО ПЕДАҐОҐІЧНОГО МУЗЕЮ У РОБОТЇ ПЕДАҐОҐІЧНЫ ПЕРСОНАЛІЇ ПІДКАРПАТЬСКОЙ РУСИ У КОЛЕКЦІЯХ НАРОДНОГО ПЕДАҐОҐІЧНОГО МУЗЕЮ..." І ВЕРОНІКА КУШЕЛОВА З ПРАЖСКОЙ УНІВЕРЗІТЫ КАРЛОВОЙ
У РОБОТЇ ПІДКАРПАТЬСКА РУСЬ ОЧАМА ЧЕХОСЛОВАЦЬКОЙ ПРЕСЫ В РОКАХ 1919 –1938.
ОРҐАНІЗАТОР КОНФЕРЕНЦІЇ, ДИРЕКТОРКА ВЫХОДНОЕВРОПСКА СЛАВЯНЬСКА УНІВЕРЗІТА ЛЮДМІЛА НЕСУХ, У СВОЇМ РЕФЕРАТЇ НА ПРИКЛАДЇ УРБАРІОНА 18 СТ. І ДРУГЫХ АРҐУМЕНТІВ ТАКОЙ ПРИЗНАЛА ЕКЗІСТОВАНЯ РУСИНЬСКОГО ОКРЕМІШНЁГО ЯЗЫКА. ТОТ ДРУГЫЙ ДЕНЬ ДАВ МОЖНОСТЬ БАДАТЕЛЯМ ЯЗЫКА ВЫМІНИТИ СІ СВОЇ РОБОТЫ І СКУШЕНОСТИ.