У Вашінґтонї обговорили вопрос так званого „русиньского сепаратізму“

– Як підкреслив голова веджіня Закарпатьского областного благодійного фонду „Русинська школа“ Валерій Падяк, учасници стрїчі высловили знепокоїня над одсутностёв проґресу у вырїшїню вопросу узнаня Русинів на Українї. Представник Держдепартаменту США і головный порадця у вопросах Україны Майкл Кейс підтвердив, же США мають достатно обєктівны інформації одностно той проблематікы, тыж чекаюь выменованя нового амбасадора Україны у США, – пише Голос Карпат.

 

Обидва стороны обговорили актуалный вопрос так званого „русиньского сепаратізму“ і підтвердили, же іде найсамперше о пробы істых політічных грачів (Росія) на фонї підтримкы Москвов сеператістічных рухів на выходї України актівізовати через своїх аґентів тыж сепаратістічны налады у Закарпатьскій области, але міджі містным населїнём то не находить жадной підпоры. Вєдно з тым підкреслёвала ся, же выдуманый проблем „русиньского сепаратізму“ чім дале ся стає предметом шпекулацій істых політічных сил у самій Українї (што за істых условій може мати траґічны наслїдкы!). Через главны масмедії в Українї підгрівать ся думка односно „сепаратізму“ Закарпатьского реґіону вцїлім, русиньскый народностный рух принимать ся як „рука Москвы“ і резултат дій „російскых шпеціалных служеб“, а неузнаня в державі, яка веде необявлену войну з Росіёв, народность „Русин“ нерідко стотожнює з понятём „сепаратіст“ і т. п.

 

Обидві стороны обговорили і вопрос даякых публікацій, што уражають народне чутя Русинів, на сторінках україньской редакції важнов світовов інформачнов аґентуров – Радіо Свобода. Тоту некомерчну інформачну службу фінансує Конґрес Споєных штатів Америкы, она веде высыланя через радіо, інтернет і телевізіую до 21 країн світу. Стороны высловили рішучость у вопросї неприпустности у будучности подобных некоректных публікацій.


6. юна 2015

Karpatnews.in.ua — Новини Ужгорода, Мукачева, Закарпаття та України

Go back