Івана Чіжмаря оцїнили Преміов Турка-Гетеша

• На конґресї з рук председы СРР Д. Папуґы (справа) перевзяв Премію Василя Турка-Гетеша І. Чіжмарь зо Свідника (злїва).

19. юна 2015 у румуньскім містї Дева при святочнім отворїнюХІІІ. Світового конґресу Русинів было переданоПремію Василя Турка-ГетешаІванови Чіжмарёви зо Свідника на Словакії – як русиньскому културному діятелёви, фолклорістови, архіварёви, співакови і творцёви книжок і под.

 

Премію передав Дюра Папуґа, председа Світовой рады Русинів. Лавреат у першых словах звернув ся до делеґатів з подякованём за тоту велику честь. Повів, же кідь Русины не мають своёй державы, то тым векшу вагу повинны присвячати культурї, яка веде до підтриманя нашой ідентічности.

 

Ґратулюєме і желаме На многая і благая лїт на ниві нашой културы, яку не мож собі представити без характерістічного голосу пана Івана і ёго руснацькой співанкы.

Go back