Русины бісїдовали і о ПУЛЬС-і

В Пряшові 28. юна 2014 проходило 12. засіданя Округлого стола Русинів Словеньска (ОСРС). Русины ся найвеце занимали леґіслатівов, але выразили і свою позіцію к далшій судьбі Піддукляньского умелецького народного ансамблю (ПУЛЬС), котрый їм не є легковажный, кідьже вызначным споспобом приспівать ку розвитку русиньской културы.

ОСРС на своїм засїданю докінчів припомінкованя части приготовлёваной пропозіції Закона о народностных меншынах, котрый є присвяченый народностным самосправам. Пропозіцю, котра выходить од ОСРС, приготовллёвав ґарант робочой ґрупы про область леґіслатівы і сучасный председа платформы ЮДр. Андрій Ліґа. По цїлковім докінчіню тексту закона, буде пропозіція дана на верейну діскузію.

Русиньска платформа днесь занимала ся і одкликанём свого члена Владиміра Марушіна із функції директора ПУЛЬС-у. Тот быв на засіданю ОСРС і участный і членам одповідав на звязаности зо своїм одкликанём. Округлый стіл Русинів Словеньска ся не буде одностити до того, ці быв бывшый директор одкликаный правом, або ніт. Обстоює своє, же вырїшованя ПСК в справах, котры ся дотуляють русиньской народностной меншыны, мусить быти конзултоване з єй заступцями. ОСРС ся зато писмом оберне на Міністерство културы СР і Пряшівскый самосправный край, жебы в будучности такый поступ быв практізованый. Русины будуть надале жадати і то, жебы ПУЛЬС перешов під зряджовательске покровительство Міністерства културы СР.

Петро МЕДВІДЬ, пресовый говорця ОСРС

Веце інформацій: www.pilip.sk