Літературный вечур і передаваня Премії А. Духновіча

Сполок русиньскых писателїв Словакії, Пряшівска універзіта в Пряшові – Інштітут русиньского языка і културыв кооперації з умелецьков аґентуров RUTHENIAN ART і Театром Александра Духновіча25. юна 2015 од 19.00 год. у Театрї Александра Духновіча в Пряшовіна ул. Яркова 77приправив літературный вечур під назвов Смутный клавн, віршы і ґітарыабо русиньска поезія кус інакше,споєный з передаванём Премії А. Духновіча за русиньску літературу 2015.

В проґрамі зазвучали віршы Штефана Сухого, Юрка Харитуна, Валерія Купкы, Владїслава Сивого, Кветы Мороховічовой-Цвик і Даньєлы Капралёвой, котры декламовали герцї ТАД: Іґор Латта, Людміла Козменкова, Зузана Ковалчікова і Ладїслав Ладомиряк. Вечур збогатила  музика і спів презентована Владїславом Сивым і Томашом Сивым. Хореоґрафію вечора мала Сілвія Новотна, сценарь і режію Яна Трущіньска-Сива.

На конець святочного дсня Премію Александра Духновіча за русиньску літературу 2015, котру фінанцує русиньскый філантроп Штефан Чепа з Торонта, передав писательцї зо Словакії – Людмілї Шандаловій, презідент Капарпаторусиньского научного центра в США проф. Павел Роберт Маґочій.

Цїлый вечур быв выдареный і збогаченый тым, же го приправиьли і реалізовали професіоналы, а то першыраз у Тератрї А. Духновіча в Пряшові.