Конець школьского рока з писательков М. Ґіровов

Taк, як на кінци каждого школьского рока, і теперь в Основній школї в Калній Ростоцї директорка школы ПаедДр. Марцела Рунянінова послїднїй тыждень наплановала так, жебы дїти го у школї пережыли якнайінтереснїше. Так єй позваня теперь прияла русиньска писателька Марія Ґірова, котра дїтём приправила прекрасне дополудня. Писательку привітала окрем директоркы і председкыня РОС у Калній Ростоцї Мірослава Кірова, котра сіла міджі дїти і з великым інтересом слухала з нима слова нашой писателькы. Она найперше росповіла як зачала писати, як жыла в роднім селї Руське, котре днесь уж не є на мапі Словеньска. Прочітала свої курты повіданя, в котрых дїти спознавали писательку і єй сестра і братрів, маму і іншых, котры овпливнили жывот Марії Ґіровой, бо як повіла Марія Ґірова, єй творчость выходить з пережытого. Вшытку єй роботу творять правдивы реалії, котры ся стали в єй жывотї. Єй сповідь была така інтересна і вплываюча на душу, же нераз не мож было стримати слызу в оцї. На конець бісїды дїти подяковали панї Ґіровій і зо сердця подаровали єм букету квіток, котра єй мала припомянути красно пережыты рокы з дїтми у Калній Ростоцї.