Вольбы Выбору про народностны меншыны

4. юла 2014 одбыло ся волебне засїданя односно волеб членів і наградників до Выбору про народностны меншыны і етнічны ґрупы (ВНМЕҐ) Рады влады СР.

 

Як знаме, членове того выбору суть офіціалныма, штатом узнаныма представителями каждой народностной меншына і суть в першім рядї при просаджованю народностных жадань од штату.

 

За русиньску народностну мншыну было зареґістрованых 12 орґанізацій, з того вшыткы повірили мене як волителя. Далшы русиньскы орґанізації ся не зареґістровали, ани не преложыли свою кандідатуру. Также єм волив сам, а при тій нагодї ся хочу подяковати вшыткым тым орґанізаціям за довіру, котру мі дали. Волив єм подля інштрукцій, якы єм дістав, што собі мож овірити подля выслїдків вольбы в нотарьскій записніцї на сторінцї Уряду влады СР (одказ ниже).

 

Членами ВНМЕҐ за русиньску народностну меншыну были зволены Мілан Мнягончак (Гуменне) і Ян Липиньскый (Братїслава), за наградників Мілан Піліп (Братїслава) і Петро Медвідь (Пряшів).

 

Єдночасно подля статї 5 Порядку засїданя Округлого стола Русинів Словеньска (ОСРС) ся члены М. Мнягончак і Я. Липиньскый стають членами председництва ОСРС ex offo.

 

Одказ на актуалізоване председництво ОСРС:

http://www.pilip.sk/%D0%BF%D1%80%D0%B5%D0%B4%D1%81%D0%B5%D0%B4%D0%BD%D0%B8%D1%86%D1%82%D0%B2%D0%BE-predsednictvo/

 

Одказ на выслїдкы вольбы пулїкованы на сторінцї Уряду влады СР:

http://www.narodnostnemensiny.gov.sk/

 

В новинках „Korzar“ вышла статя о послїднїм засїданю ОСРС, так і тото придавам:

http://presov.korzar.sme.sk/c/7265778/rusini-riesili-puls-hovorili-s-odvolanym-riaditelom.html

 

Mілан ПІЛІП, Братїслава

Go back