Музей Варгола прииготовлює проґрам на день ёго народжіня

Музей модерного уменя Ендія Варгола в Міджілабірцях приготовлює про своїх навщівників на день народжіня Е. Варгола, 6-го авґуста 2015 р., богатый проґрам. На участных чекають і творчі варштаты з Їтков Копейтковов.

6-го авґуста є, окрем варштатів з Їтков Копейтковов під назвов „Warhol & Streetart”, котры будуть о 10.00, 14.00 і 17.00 год., приготовленый „screen test“ в експозіції Ендія Варгола, промітаня філмів, чітаня із книжкы Михала Бицка, а ай Ночны діалоґы з Ендіом, котры будуть в просторах „Art Café“.

Ай 7-го авґуста можете іщі брати участь на творчіх варштатах. Їтка Копейткова о такых самых годинах як в попередній день буде вести варштаты під назвов Колаж.

Вшыткых в менї орґанізаторів, значіть, Музею модерного уменя Ендія Варгола в Міджілабірцях і Общества Едія Варгола в Міджілабірцях, сердечно позываме.

Детайлный проґрам долов на плаґатах.

П. M.