Новинкы • 34/2015 - Aкадемія

Aкадемія
Новинкы • 34/2015

Най «коза од сусїда» іде домів!

Народны новинкы, котры одоберам уж од зачатку русиньского народного возроджіня на Словеньску, і на котры єм заплатив передплатне ай на тот рік, нашы членове одборной комісії схвалили смішны пінязї, а зато того року Народны новинкы не дiставам. Прошу ся вас, членове русиньской одборной комісії, чом сьте на тоты екзістуючі Народны новинкы пінязї схвалили в найменшій мірї за 25 років їх выдаваня, але на неекзістуючій Голос Русина сьте штатну фінанчну дотацію схвалили добру?..

Вину за такый газард зо штатныма пінязьми Словеньской републікы кладу главнї русиньскій одборній комісії на Словакії, котра оцїнює предложены проєкты на Урядї влады СР. Треба най словеньска „евро-коза“ ся верне домів, до Народных новинок, а потім то буде справедливе.

Сміло учме дїти азбуку

Нераз уж єм чув, же требы нам писати латиніков, бо молоды не знають азбуку, та холем най дашто можуть прочітати. Лемже праві тым, же будеме писати латиніков, молодым не помагаєме, але навспак. Они ани не будуть мати інтерес учіти ся азбуку, покля їм мы будеме писати латиніков. Кідь собі хтось думать, же писанём латиніков помагать, то я одкрито пишу, же не помагать, але шкодить. Азбука є омного простїша як такый єврейскый алфавіт. І хто бісїдує, же не знать і не годен ся научіти азбуку, то ся лем выгварять.

Read more … Сміло учме дїти азбуку

Лем плакати…

Наш народ є позначеный многыма траґічныма історічныма діями. Тыма діями ся все занимаме, вертаме ся ку ним, говориме о них, пишеме о них і так властно дость часто плачеме. Плачеме над нашов смутнов судьбов, над кривдами. Мож повісти, же на основі того, же часто плачеме над нашов історіов, сьме дакус смутный народ. Но такы сьме. Траґічніше є, кідь многораз треба плакати і над сучасностёв. І причін є на то досправды много.

На многая і благая лїта, владыко!

14. авґуста 2015 року Высокопреосвященный кир Адам, архієпіскоп перемышляньскый і новосандецькый ославив 89 років.

«Притчы» (Подобенство) – VII. Міджінародный пленер іконописцїв у Новицї

Як інформує інформачный портал грекокатолицькой вроцлавско-ґданьской єпархії www.cerkiew.net.pl, в днях 6. – 20. септембра 2015 року в лемківскым селї Новиця, в будові Братства ґрекокатолицькой молодежи „Сарепта“, буде проходити VII. річник Міджінародный пленер іконописцїв. Тогорічнов темов суть біблічны подобенства.

І реґіоналный конкурз фоклорных співацькых ґруп

Вігорлатьскый музей, оддїлїня освітнёго діятельства в Гуменнім готує на 5. септембра 2015 в просторах гуменьского сканзену, в рамках події Днї міста Гуменне, і реґіоналный конкурз фоклорных співацькых ґруп про окресы Снина, Міджілабірцї і Гуменне.