Oд 10. септембра до 20. новембра 2015 Сполок русиньскых писателїв Словеньска у сполупраці з редакціов Русин і Народны новинкы і Інштітутом русиньского языка і културы Пряшівской універзіты в Пряшові выписує 2. річник Літературного конкурзу Марії Мальцовской на найлїпшы творы в области поезії, прозы, есеїв і драмы в літературнім русиньскім языку. 

Read more … Літературный конкурз Марії Мальцовской

Єднов із важных тем, котров Україна занимать ся в остатнім часї, є Києвом обіцяна децентралізація державы. Текст закона є властно приготовленый. Мапы новой децентралізованой Україны появляють ся в різных статях на інтернетї. Но то, што могло быти добров шансов Україны на направлїня 24 років тырваючой кривды, стало ся точным опаком.

Read more … „Рецентралізація“

Як інформує Пресова аґентура Словацькой републікы (TASR), підпредседа Народной рады Словацькой републікы і председа Хрістіаньско-демократічного руху (KDH) Ян Фіґель в четверь 13-го авґуста 2015 р. навщівив Закарпатьску область Україны. Приятый быв председом Закарпатьской областной рады Володиміром Чубірком і Михайлом Рівісом. Їднаня дотуляли ся сітуації на Українї і в сусїднїм реґіонї Словакії, як і словацько-україньской реґіоналной сполупраці.

Read more … Ян Фіґель навщівив Закарпатя. Люди споминають на Чехословакію

4. – 25. авґуста 2015 Центерправославной културы «ЕЛПІС» у Ґорлицях у Польщі зорґанізовав методічну конференцію про учітелїв лемківского языка і особ заінтересованых навчанём лемківского языка (напр. штуденты). Ініціятіва мала за задачу выміну скусеностей, обговоріня тем і проблемів, звязаных з навчанём лемківского языка.

Read more … Методічна конференція учітелїв лемківского языка

В днях 4. – 6. септембра 2015 р. в Тисній одбуде ся IV. Карпатьскый філмовый фестівал, в рамках котрого пройде велёумелецькых і научных акцій. Каждый із трёх днів фестівалу мать свій профіл і означеный є як: пятниця – научный день, субота – філмовый, а недїля – літературный.

Read more … IV. Карпатьскый філмовый фестівал у Тисній

В днях 29. – 30. авґуста 2015 в селї Чірч на Пряшівскій Руси проходив архієпархіяльный грекокатолицькый одпуст почас свята Успіня Пресвятой Богородіцї.

Read more … Архієпархіяльный одпуст быв у русиньскым селї Чірч

Тогорічне архієпархіялне одпустове свято Успіня Пресвятой Богородіцї в Лютинї в днях 22-го і 23-го авґуста по традічнім посвячіню воды зачало посвячінём новой деревяной ґрекокатолицькой Церькви Святой родины, кора є збудована подля автентічного храму, котрый стояв в Лютинї перед сучаснов Базіліков мінор і згорів у 1908 роцї. Нова церьков з выглядковов вежов стоїть на скалї в ареалї базілікы і буде тырвалов споминов на Рік родины, котрый ся вже почас другого календарьного рока святкує в Пряшівскій ґрекокатолицькій архієпархії.

Read more … На архієпархіялнім одпустї в Лютинї посвятили нову деревяну Церьков Святой родины