IV. Карпатьскый філмовый фестівал у Тисній

В днях 4.6. септембра 2015 р. в Тисній одбуде ся IV. Карпатьскый філмовый фестівал, в рамках котрого пройде велёумелецькых і научных акцій. Каждый із трёх днів фестівалу мать свій профіл і означеный є як: пятниця – научный день, субота – філмовый, а недїля – літературный.

Фестівал зачне ся одкрытём выставкы фотоґрафій Петра Дурака і выставкы рисунку Кжыштофа Сушка, а дальше одбуде ся научна конференція під назвов Карпатьске културно-етнічне пограніча вчера і днесь, орґанізована Южно-выходным научным інштітутом. Першый день скінчіть ся указанём слайдів і сполочнов стрічов при ватрї. Субота, означена як філмова, принесе присутнїм презентацію документарных філмів і стрічу з русиньскым літератом Марошом Кряйняком, автором названой в Польщілемківской трилоґіов книжок Карпатія, Ентропія і Інформація.

Послїднїй день IV. Карпатьского філмового фестівалу буде стріча з авторами і творцями, різнымспособом споєных з Карпатами. Єдным з них буде Валерій Падяк, автор і выдаватель, учітель в Інштітутїрусиньского языка і културы на Пряшівскійуніверзітї.

Фестівал скінчіть ся музичным концертом ансамблю Лемко Блюґрас Банд, котрый у своїй творчости часто черпать із жрідла лемківскых пісень, штілізуючіїх на америцьке кантрі.

Д. Т.

Go back