IV. Міджінародный конґрес русиньского языка в Пряшові

Конґрес під назвов Русиньскый літературный язык на Словакії орґанізує Інштітут русиньского языка і културы Пряшівской універзіты в Пряшові і є присвяченый 20-річу  кодіфікації русиньского літературного языка на Словакії. Конґрес буде проходити 23. – 25. септембра 2015 на Пряшівскій універзітї.

Почас конґресу зо своїма рефератами у штирёх тематічных секціях (І. Статус русиньского языка в шыршім лінґвістічнім контекстї, 2. Актуалны ліґвістічны проблемы русиньского языка в окремых країнах, 3. Русиньскый язык в окремых функціоналных сферах і 4. Русиньскый язык у школьскій сістемі Словакії і в загранічу) выступлять домашнї і загранічны гостї: проф. Др. П. Р. Маґочій, асіст. проф. Др. Елена Будовская, проф. ПгДр. Ю. Дудашова, др. н., проф. Др. А. Рабус і Мґр. А. Шімон, доц. ПгДр. В. Ябур, к. н., проф. Др. габ. Г. Фонтаньскі, Мґр. М. Алмашій, проф. Др. М. Капраль, к. н., проф. Др. М. Фейса, доц. ПгДр. А. Плїшкова, ПгД., ПгДр. К. Копорова, ПгД., Др. габ. О. Дуць-Файфер, Мґр. В. Падяк, к. н., Мґр. М. Лявинець, Мґр. А. Кузмякова, ТгЛіц. Ф. Крайняк і Мґр. Н. Гнатко. Окрем них, участниками конґресу будутьм представителї Міністерства школства Словакії, Польщі, Мадярьска, Сербії, Хорватії, Румунії і Україны, представителї Европской унії, Уряду уповномоченого влады СР про народностны меншыны, представителї Пряшівского самосправного края і выбраных сел і міст северовыходной Словакії, участници тематічных секцій конґресу, позваны гостї із штатных школьскых інштітуцій, міджінародных орґанізацій і інштітуцій і народностных русиньскых орґанізацій і інштітуцій.

-аз-