У Баньскій Бiстріцї – одкрытый камінь Русинам

29-го авґуста 2015 на ославах 71-ой річніцї Словацького народного повстаня в Баньскій Бістріцї першый раз офіціално брали участь і представителї Русинів на Словакії. Вінець ку памятнику СНП положыли Мілан Мнягончак, председа Русиньской оброды на Словеньску, Мілан Піліп, секретарь Округлого стола Русинів Словеньска і Ян Крайковіч, русиньскый актівіста.

По завершіню офіціалного проґраму быв у просторах музея СНП за участи представителїв державных орґанів, директоркы СНМ – Музею русиньской културы у Пряшові Ольґы Ґлосіковой, прямых участників боїв і русиньскых діятелїв, одкрытый камінь із назвов Русины, як єдному з народів, котрый брав актівну участь в Словацькім народнім повстаню.

П. M.