Новинкы • 38/2015 - Aкадемія

Aкадемія
Новинкы • 38/2015

Занедовго буде IV. Міджінародный конґрес русиньского языка

З нагоды 20. річнiцї святочного выголошiня кодiфікацiї русиньского языка на Словакії 23. – 26. септембра 2015 р. у просторах Пряшівской універзітыв Пряшові буде проходити IV. Міджінародный конґрес русиньского языка. То научна конференція, в якій возмуть участь вызначны славісты, лінґвісты, історіци, журналісты і практічны поужывателї русиньского літературного языка. Конґрес отворить доц. Анна Плїшкова, директорка Інштітуту русиньского языка і културы ПУ і проф. Петер Коня, ректор Пряшівской універзіты, а темы запланованых рефератів будуть охоплёвати велё проблемів сучасного русиньского языка і будуть задїлены до штирёх тематічных секцій.

Літературный конкурз Марії Мальцовской

Oд 10. септембра до 20. новембра 2015 Сполок русиньскых писателїв Словеньска у сполупраці з редакціов Русин і Народны новинкы і Інштітутом русиньского языка і културы Пряшівской універзіты в Пряшові выписує 2. річник Літературного конкурзу Марії Мальцовской на найлїпшы творы в области поезії, прозы, есеїв і драмы в літературнім русиньскім языку.

(не)Очекованы успіхы

Кідь ку кінцю марцa проходила в Баньскій Быстріцї стріча представителїв Русинів і неіснуючой народности „Русинів-Українцїв“, быв єм остро проти той стрїчі і крітіковав єм як то, же была, так і резултаты той стрїчі. З участных за Русинів публічно втогды признав, же іти на стрїчу было хыбов, лем председа Округлого стола Русинів Словеньска Андрій Ліґа. Останї то брали як великый „успіх“. Докінця, же тов стрїчов нас властно узнали.

Read more … (не)Очекованы успіхы

Карпаторусиньске общество позывать на діскусный панел

Карпаторусиньске общество просить на діскусный панел під назвов «Доцїнити теперїшнє – зрозуміти минуле» на тему історії, традицій і жывота Русинів, тяжко роблячіх у пенсілваньскых копальнях антраціту. Подія, котра одбуде ся 3. октобра 2015 р., буде проходити в будинках ґрекокатолицькой парафії св. Михаіла Архангела в Пітстон (St. Michael the Archangel Byzantine Catholic Church, 205 N. Main St. Pittston). Початок од. 9.00 год.

Святкованя освободжіня Калинова

Русиньске село Калинів і обчаньске здружіня Калинка – Калинів вас сердечно позывають на святкованя 71-го юбілею освободжіня села. Калинів быв першым ослободженым селом на теріторії бывшой Чехословакії. Подія одбуде ся дня 19-го септембра 2015 року.

На Закарпатю фестівал проґрамів про народностны меншыны

За інформаціями порталу Голос Карпат, в днях 9-го і 10-го септембра 2015 р. проходив уж 17-ый річник міджінародного фестівалу телевізных і радіовых проґрамів твореных про народностны меншыны під назвов Мій рідный край.

Нова выставка в Музею Е. Варгола в Міджілабірцях

29. септембра 2015 о 15.00 год. зачне вернісаж выставкы Любіці Літнеровой „Автопортрет‟ у Музею модерного уменя Ендія Варгола в Міджілабірцях, котру зорґанізовав споминаный музей вєдно зо Сполочностёв Ендія Варгола в Міджілабірцях. Щіро вас позываме на вернісаж і на преглядку выставкы.

Про Карпаторусинів на Славяньскім фестівалї в Джонставнї

В Джонставнї (Johnestown, Pensylvania) в CША 19. септембра 2015 буде проходити перша едіція Johnstown Slavic Festival, фестівалу, якый мать зосередити потомків вшыткых слявяньскых народів, якы почас еміґрації на переломі ХІХ. і ХХ. сторіча нашли ся в Джонставнї.

Vyhlásenie o pomoci utečencom v gréckokatolíckej Prešovskej archieparchii

Utečenecká kríza sa stále prehlbuje a je najvyšší čas, aby sme v tých, – ktorí z dôvodu nebezpečenstva smrti, pošliapania ich ľudskej dôstojnosti, ale aj z dôvodu, že už nevedia ako sa vo svojich krajinách postarať o dôstojné živobytie svojich detí, – spoznali prítomného Ježiša Krista. Teraz sa stávajú veľmi aktuálnymi jeho slová: „Lebo som bol hladný a dali ste mi jesť; bol som smädný a dali ste mi piť; bol som pocestný a pritúlili ste ma“ (Mt 25, 35).