Заникли дві школы, де ся учів русиньскый язык

Уж не є правда то, же маєме русиньску Основну школу з Матерьсков школов в Баєрївцях. Дізнала єм, же 2. 9. 2014 ОШ із МШ Баєрївцях заникла. Про неінтерес родичів і про мало дїтей в селї Баєрївцї. Діректорка школы панї Марія Секеракова є прекрасна учітелька, дїточкы были в школї барз шыківны, но было їх мало. ОЗ Колысочка отворила того року на тій школї і свою вечурню школу русиньского языка. А уж там не буде. Ку 2. септембру заникла і ОШ із МШ в Шаришскім Щавнику.Там сьме мали нашу вечурню школу отворену другый рїк. Тыж там была прекрасна і добра учітелька русиньского языка – Моніка Сакарова.Тыж там уж не буде учіти тот язык. Є мі з того барз смутно.

ПгДр. Люба КРАЛЁВА, ПгД., штатутарь ОЗ Колысочка

Go back