За нами ІV. Карпатьскый філмовый фестівал
Од 4. септембра 2015 проходив у Тысній ІV. Карпатьскый філмовый фестівал, о котрім інформували сьме вас гев.
Почас той триднёвой імпрезы было презентовано велёінтересных філмів, тыкаючіх ся шыроко понятой карпатьской темы, реалізованых через різны державы світа, напр. через Словакію, были то філмы: Ladomírske morytáty a legendy (реж. Петер Керекес, 1998), Farebné kamienky (реж. Юрай Ябубіско, 2002), Осадне (реж. Марко Шкоп, 2009), Jozef a jeho bratia (реж. Анна Главачова, 2009). Указаный быв тыж чешско-словацько-україньской продукції філм Уйко Віктор (реж. Вікторія Рампаль Дзуренко), нїмецкій філм Абсолут Варгола (реж. Станїслав Муха, 2001), польскый Portret Rusina z artystą w tle (реж. Войцєх Олейнічак) і америцьку продукцію Three stories of Galicia (реж. Ольга Онишко і Сара Фаргат, 2010).
Показ філмів одбыв ся в суботу, a в недїлю пришов час на пару авторскых стріч, м.ін. зо Станїславом Криціньскым (автором напр. Cerkwie drewniane w Karpatach, Bieszczady. Tam gdzie «diabły, hucuły, ukraińce» і інчых), Здзіславом Скроком (Czy wikingowie stworzyli Polskę?, Wielkie rozdroże. Ćwiczenia terenowe z archeologii wyobraźni, Skarby małe i duże і вельо інчых) ци Валеріом Падяком (автором напр. Нарису історії карпаторусиньской літературы XVI. –XXІ. сторіч, выдавцём – попозерайpadyak.com) і концерт ансамблю Лемко Блуґрас Бенд.
В пятніцю проходила популярно-наукова конференція під назвом Карпатьске етнічно-културне пограніча, котру, як радіо лем.фм, сьме записали. Бісїдовали: Станїслав Дрозд, якый коротко росповів о пріватнім Музеюкултуры Бойків у Мычкові, др габ. Ева Міхна бісїдовала о карпаторусиньскім русї на Підкарпатьскій Руси, Даміан Новак представив став захованя церьковной архітектуры на обшарї польскых Карпат у роках 1939 – 2015, а БоҐдан Гук бісїдовав о антикомуністычнім русї опору на Лемковинї в роках 1945 – 1947 в польскій історіоґрафії. Вшыткы выголошены выступлїня і іщі додатковы, тых прелеґентів, якым не повело ся допутовати до Тысной, найдуть ся в алманасї, якый од того року мать друковатати Музей лемківской културы в Зіндрановій, а неодолго часть прелекцій выемітуєме на антенї радія лем.фм. О термінах будеме вас інформовати.
Окрем конференції, того самого дня на фестівалї одбыла ся вернісаж образів Кршыштофа Мончыньского з Лупкова і Мирослава Гаврильця з Мокрого, а підвечур показ сляйдів Pictograph Мішы і Ліды Сухой іŁem-Ukryta Kraina авторства Адріана Спулы.
Наталія МАЛЕЦЬКА-НОВАК