K: Малоросія, або Україна: евроазійскый Выход, або европскый Запад?

Высоко собі важу пана проф. Др. г. к. Павла Роберта Маґочія, члена Канадьской кралёвской академії наук, за вшытко, што на благо Русинів зробив. Прочітавєм собі ёгостатю:Малоросія, або Україна: евроазійськый Выход, або европскый Запад? (Русин, културно-хрістіаньскыйчасопис,  р. ХХІV, ч. 3/2014, www.rusynacademy.sk). Вопрос є звязаныйiз важнїшовпроблематіковпережытя Русинів і Карпатьской Руси. Моїм крітічным одзывом хочу допомочі к здобытю обєктівного погляду. Думам собі, же рїшіня того округу вопросів собі жадатьінакшыйкутпогляду.

1. Погляд русиньского патріотізму

Дає на перше місце дотримованя ісохранїня ідеї русиньскых мас – вірность заповіту св. братів Кіріла і Мефодія – сокочінядарів св. братів:

а) візантьску – руську віру;
б) славяновізантьску – руську културу;
ц) кіріліцю – першый списовный русиньскый язык.

Кібы автора к написаню той статї мотівовав русиньскый патріотізм, неміг бы собі дати такый вопрос. Не доволила бы му то пріоріта русиньского патріотізму. Формуловав бы назвуможе так: Кіріломефодьска духовность і култура, або віхінґовска (анґлосаска) духовность і култура.Притій мотівації ся вшыткы наслїдуючі цїнности і дїаня підряджуютьрусиньскому патріотізму, котрого основов є вірность заповіту св. братів Кіріла і Мефодія.

2. Погляд ґеополітічного інтересу

Дає на перше місце ґеополітічныйінтерес – приналежность к евроазійському Выходу, або европскому Западу. Вшытко остатне (ідея русиньскых мас, заповіт св. братів Кіріла і Мефодія, людьскы права ...) ся підряджують ґеополітічным інтересам. Так мотівоване дїаня і творчость є з погляду русиньского патріотізму «немасна, несолена». Невине ся ним ідея русиньскых мас, котра давала жывоті міцьрусиньскому народу, котра го мотівовала к дїям, з котрых ся  складатьісторіярусиньского народа. Хыбить єй тота правилнапатріотічнаіскра – досправдовагордостьна то, што конкретно Русины в так тяжкых условіях были годны сотворити.

Прото такый русиньскый рух хотячій зъєдинитиРусинів на базївымішкованой історії і віхінґовской (анґлосаськой) духовности ікултуры беру:

- в лїпшымприпадї за евтаназію;

- в гіршымприпадї за путь, котра нас може по такых 20 роках привести на русиньскый Майдан.

Характерне про вытискованя кіріломефодьской духовности і културы зо славяньскых земель віхінґсков (анґлосасков) културов і духовностю є, же ся то дїяло, як в минолости, так і в сучасностифашістічныма методами.

Росія:

Автор крітізує Росію за  ідеолоґічны цїлїпрезідента Владиміра Путїна, заложеных на довгодобых културных традіціях здїдженых од Києвской Руси. Неможу ся не опросити: «Якы были (суть) ідеолоґічны цїлї,на котрых была заложена анексія Тексасу (1845)Споєныма штатами америцькыма і вшыткы слїдуючі інтервенції США,почінаючи першовамерицьков інтервенціовдо Мексіка(1846) аж по інтервенцію до Афґаністану, Іраку, ... „гуманітарного“ бомбардованя Югославії, Лібії ...». Як ся до тых ідеолоґічных цїлїв США пряче велике воєньске цвічіня НАТО на Українї «RapidTrident– Быстрыйтризубець» 15. 9. 2014 – 26. 9. 2014 http://www.aktuality.sk/clanok/261678/na-ukrajine-sa-zacalo-velke-vojenske-cvicenie-nato/ Може бы аналоґічне ідеолоґічне здоводнїня послужыло Росіянам про реалізаціювоєньского цвічіняв Мексіку, або в Канадї за повной спокійностисвітовой публікы.

На ґеополітічну мотівацію автора наводитьчітателя факт, же не спомянув екзістенцію Новоросійской ґубернії. Холем з погляду охранылюдьскых прав жытельства той частины юговыходной Україны (Донецька, Луґаньска ...). Не мбыла спомянута проблематіка жытельства Закарпатьской Україны, далшых народі, народносстей, также і проблематікаінакше думаючіх жытелїв Україны).

Новоросійска ґубернія:(1764 – 1873)

Передтым то было Дикоє поле;
* в роцї 1776 ку ґубернії было припоєне Запорожє;
порівняй: 4. 7.1776 заснованя США (Деньнезалежности - IndependenceDay);
* в роцї1783 ку ґубернії быв припоєный Крим;

порівняй: 3.9.1783 закінчілася война за незалежность США. Брітанія узналановудержаву;

* в роцї1822 взникло Новоросійско-бесарабскеґенерал ґубернаторство зрезіденціов в Одесї.

Крим:

Розумію, же навернутя Криму Россії небыло в згодї з америцькыма ґеополітічныма інтересами, при просаджованю котрых Европа лем слїпо секундує США. Европа до того часу небыла способна оцїнити реаліту, же:

- єй Росія все «тримала хырбет» од тиску нестабілного ісламского світа;

- вдяка навернутю Криму Росії є основно ефектівнїше хранена од того тиску.

Автор пише, же: «...найвгоднїшов бы была звучна фраза: „Крим– історічна земля кримскых Татарів“». Я собі лем доволю з огляду на высше зазначене парафразовати:„Америка – історічна земля Індіанів“.

Україна:

Основнов думков є ту „незалежность“. Не є ясно, яку незалежность мать автор на думцї. Подля мого погляду незалежныма державамисуть лем три штатына світї: США, Росія і Китай. О якій незалежности Україны ту може быти реч, кідь є фактічно банкрот? Може бы было честнїше бісїдовати о незалежности Україны од Росії, но не од США. Або о вымінїзавислости Україны од Росії і держав СНШ, БРІКЙ, за завислость Україны од США і держав ЕУ і НАТО.

Покля автор любить Україну включно Карпатской Руси, так бы:

- написав, же ся возьме за то, жебы (за прикладом презідента Владиміра Путїна в одношіню к жытелям Криму) ся уровень жывота жытелів Україны підняла на уровень США, або холем на уровень западной Европы;

- спомнянув, же Майдан, зміна ладу на фашістічный, зміна ґеополітічной орьєнтації Україны, обчаньска война, вергнули банкротуючу Україну до чорной дїри;

- поступав за моралныма правилами западного світа в напрямі охранылюдьскых прав жытельства юговыходной Україны ...;

- твердо бы апеловав на Україну за дослїдне баданя вшыткых войновых злочінів, враховано траґедій в Одесї, Славяньску ...;

- закликывав бы Україну до гляданя діпломатічного рїшіня конфлікту.

Наперек різным намаганям ся міджі Русинами і цїлково міджі жытелями Словакії не подарило выкликати українофобіюі не подаритя сявыкликати ани русофобію.

Автор статї своїмдекламачным вопросом зазначеным в надписї статїпідсубатьґеополітічне рїшіняпроблему. Таке рїшіняможе успокоїть дакого ґеополітічныйінтерес, але ніч доброго непринесе людём – посмоть прикладУкраїны ... . Успіхрусиньскому руху може принестилем розвитярусиньского патріотізмому на базїідеїрусиньскых мас – вірности заповіту св. братів Кіріла і Мефодія. То хоче меншефестівалів, меншекабінетнойполітікы, меншесуплованядїятельстваполітічныхпартій (страшінярусофобіов,ваблїняна медовы мотузы „высокой якости жывота на Западї, в Европі, США ...)“. То хоче вецедрібной роботы в теренї – міджі народом, то хоче шыршешколство.

(Скорочене редакціов.)