На послїдну минуту Всезакарпатьскьй зъязд Русинів у Мукачові – одкликаньй!

Як сьме ся дізнали од нашых корешпондентів з Підкарпатьской Руси, планованый на 10. октобра 2015 од 10.00 год. (за державным києвскым часом) Всезакарпатьскый зъязд Русинів у Мукачові, орґанізованый Народнов радов Русинів Закарпатя, быв одкликаный! На лаконічнім комунікатї, котрый є завішеный на дверях будинку, де малв проходити зъязд, чітаме, же то з причіны уникнїня провокацій. На теперішнїй момент не знаме, што бы мав точно значіти тот комунікат, але будеме інформовати о дальшых подіях в тій темі, кідь лем ся дознаме дакус веце.

Нашы корешпонденты звязують одкликаня зъязду з неспокійнов сітуаціом у Мукачові, котрой причінов є вбивство 18-річного хлопця ромского походжіня в ночііз 8. на 9. октобра 2015. Тота траґедія, як пишуть локалны медії, може выкликати протесты і выступлїня локалной ромской сполочности.

Тот день, окрем Всезакарпатьского зъязду Русинів, Народна рада Русинів Закарпатя запланувала і фестівал русиньской културы «Червена Ружа», о котрім сьме писали вчера. Початок фестівалу орґанізаторы вызначіли на 12.30 год. (подля києвского часу).