Новинкы • 43/2014 - Aкадемія

Aкадемія
Новинкы • 43/2014

Русиньскый язык у нїмецькім проєктї

24. септембра 2010 року гостями Інштітуту русиньского языка і културы Пряшівской універзіты были высокошкольскы учітелї з Універзіты Алберта Лудвіґа у Фрайбурґу (Нїмецько) проф. Др. Юліана Бестерс-Ділґер і Др. Ахім Рабус вєдно з 15 штудентамиславістічного семінара фрайбурьской універзіты. Гостїв прияла директорка інштітутудоц. ПгДр. Анна Плїшкова, ПгД. З їх навщівы на ІРЯК ПУ і з діскузії было ясно, же про нїмецькых гостїв тема русиньского языка є інтересна і же мають замір ся нёв деталнїше занимати і в своїх будучіх проєктах.Тот час настав в роцї 2014, коли Ахім Рабус є уж професором славістікы на універзітї в Єнї (Нїмецько) і недавно здобыв ґрант од нїмецькой надації на баданя сучасных трендів у русиньскім языку. Ёго проєкт є заміряный на соціолінґвістічне баданя, т. є.на сучасный статус русиньского языка в окремых країнахі на вплив штатных языків (польского, словеньского, україньского і мадярьского) на русиньскый язык.

До лику святых записана Русинка

4. oктобра 2014 р. в Нюарку (коло Ню Джерсі) выголосили за благоречену сестру Міріям Терезію Демяновічову з Конґреґації милосердных сестер св. Єлизаветы. Сестра Міріям была дівков русиньскых ґрекокатолицькых еміґрантів із Бардеёва, днесь Словацька републіка. Русины так мають далшого чоловіка записаного до лику святых.

Бесїда з Джоном Ріґеттіом і Маріов Сілвестрі

Словеньскый народный музей – Музей русиньской културы у сполупраці з Карапаторусиньскым обществом із центром у Піттсбурґу приправив бесїду з Джоном Ріґеттіом і Маріов Сілвестрі на тему Жывот Русинів у США, котра ся одбуде 21. октобра 2014 в будові русиньского музею на ул. Масариковій ч. 20 од 16.00 год.

Друга русиньска ґенеалоґічна конференція

1. новембра 2014 року одбуде ся Друга вырочна русиньска ґенеалоґічна конференція під назвов Із выходной Европы до америцькых углёвых реґіонів (From Eastern Europe to America’s Coal Regions).

З. Осавчукова Гапакова ославила красный юбілей

Русиньска малярька з Пряшова, родачка із села Пінковцї – Зузана Осавчукова Гапакова 18. септембра 2014 ославила красный юбілей 80 років свого жывота.

Оцїненый Русин – Mґр. Мілан Піліп

З нагоды 10-річа вступу Словеньской републікы до НАТО міністер Мартін Ґлвач оцїнив памятныма медайлами, окрем іншых, і дакотры актівных робітників Міністерства обраны СР. Нас тїшыть, же міджі нима быв і Русин – Мґр. Мілан Піліп, котрому памятну медайлу особно передав ґенералный директор секції маєтку і інфраштруктуры МО СР Йозеф Дрозд.