З. Осавчукова Гапакова ославила красный юбілей

Русиньска малярька з Пряшова, родачка із села Пінковцї – Зузана Осавчукова Гапакова 18. септембра 2014 ославила красный юбілей 80 років свого жывота.

По скінчіню комбінації вытварна выхова і російскый язык і література на Высокій школї педадаґоґічній у Братїславі зачала учітелёвати. Зо зачатку учіла на Середнїй педаґоґічній школї у Пряшові а потім на катедрї вытварной выховы Педаґоґічній факулты Універзіты П. Й. Шафарика в Пряшові, одкы в роцї 1991 одышла до пензії, а в тім же роцї была прията до Словацькой вытварной унії.

Окрем педаґоґічной роботы і научной роботы у сферї теорії вытварного уменя і естетікы, цїлый жывот занимала ся вытварным уменём, найчастїше творила закутины природы або букеты квітїв, главно із сухым пастелом. Выставляла на многых персоналных і колектівных выставках, а і теперь мож єй роботы відїти на выставцї у СНМ – Музею русиньской културы в Пряшові.

Желаме нашій юбілантцї іщі много років у добрїм здоровю, спокою у родинї і жебы і надале творила образы, котры потїшать душу не єдного любителя вытварного умень.

А.З, фотка автора