Інштітут русиньского языка і културы Пряшівской універзіты у Пряшові вас позывать на 31-ый научный семінар карпаторусиністікы, якый одбуде ся дня 21-го октобра (середа) 2015 р. од 13.00 год. в засідалнї Consilium maius (2-ый шток, ч. 328) Ректорату Пряшівской універзіты, ул. 17. новембра ч. 15 в Пряшові.

Read more … Перша світова война, Русины і взник Чеськословеньска

І сучасный претехнізованый світ выдавать множество книг, часописів... Інакше ся ани не дасть – друковане слово є сучастёв жывота. І мы, Русины, ся снажиме в тім змыслї тримати крок з добов. Недавно писатель Штефан Смолей выдав аж три книжкы, бард нашой поезії Юрко Харитун нас обдарив новов книжков Здогадай, школярику (выдала Академія русиньской културы в СР, Пряшів, 2015, 164 стор.). 

Read more … Нова книжка Юрка Харитуна

„Союз Русинів-Українців Словацької республіки‟ як „зомбі“ бывшого „Культурного союзу українських трудящих“ доднесь успішно діє на Словакії і будьякы намагы Русинів тот союз роспустити про ёго однароднюючій характер дїяльства суть марны. Іщі все сидять в Братїславі у функціях іншы „трудящі“, з котрыма довгы рокы якбач хтось быв „товарищом“, і тоты ся все постарають так, жебы лем не было підло. Підло про „трудящих“, котры доднесь трудять ся, жебы лем русиньскы люде порозуміли, хто властно суть.

Read more … Колыска ся нашла

В суботу 10-го октобра 2015 року дополудне мав од 10.00 год. києвского часу проходити Всезакарпатьскый зъязд Русинів. По нїм быв на 12.30 год. напланованый 17-ый річник фестівалу русиньской културы Червена ружа.

Read more … В Мукачові проходив русиньскый фестівал, aле всерусиньскый зъязд не быв