Новинкы • 44/2015 - Aкадемія

Aкадемія
Новинкы • 44/2015

Вышла далша капітална робота,..

... але теперь не од автора проф. Др. Павла Роберта Маґочія із Торонтьской універзіты, але о нїм, а то з нагоды ёго 70-річа од дня народжіня.Публікацію під назвов „Ювілейний збірник на честь професора Павла-Роберта Маґочія‟ выдали: Научный центер карпатістікы (Ужгород, Україна), Інштітут русиньского языка і културы Пряшівской універзіты (Пряшів, Словакія) і Карпаторусиньскый научный центер (Ню Йорк, США) (Ужгород – Пряшів – Ню Йорк: Выдавательство В. Падяка, 2015, 614 стор.)

У новій книзї і о Русинах

В тых днях дістала ся мі до рук публікація „Praha a menšiny“ (Sborník přispěvků z mezinárodné konference konané v Praze dne 4. prosince 2014), зоставителями якой суть Андрей Сулітка і Зденєк Угерек. Выдав ю: Етнолоґічный інштітут Академії наук Чеськой републікы у сполупраці з Маґістратом головного міста Прагы і Домом народностных меншын у Празї (Прага, 2015). Про мене тота публікація є цїнна і прото, же єм быв прямым участником конференції і там ня порадовало, як Чехы, їх різны інштітуції беруть важно проблем народностных меншын у Празї і обще в Чеську.

Read more … У новій книзї і о Русинах

230 років од народжiня Михаіла Манковiча (1785 – 1853)

16. oктобра 2015 минуло 230 років од народжіня вызначного русиньского маляря і іконописця – Михаіла Манковіча, котрый ся народив 16. октобра 1785 р. в Блажові на Пряшівскій Руси. Походив з родины священиків, єден з ёго предків, владыка Юрій Гавриіл Блажовскый (родне призвіско – Манковіч), быв в роках 1738 – 1742 мукачовскым єпіскопом.

Было поетічно, музично і філмово – ХХІІІ. Лемківска творча осїнь

Тогорічна ХХІІІ. Лемківска творча осїнь, яка проходила в днях 17. – 18. октобра 2015 в Камяній і в Ґорлицях, мала богатый проґрам. Недїльне пополудня (другый ден традіційнї проходиву Ґорлицях) мож было провести в Рускій Бурсї. І істо, хто пришов начас, на 15.00 год., тот мав зажыткы на добрых пару годин.

3. Русиньска ґенеалоґічна конференція в Пенсілванії, у США

24. октобра 2015 у Вілкс-Барі, штат Пенсілванія (Wilkes-Barre, PA), одбуде ся третя едіція каждорічной Русиньской ґенеалоґічной конференції, орґанізованой Карпаторусиньскым обществом (оддїл в выходній Пенсілванії).