У новій книзї і о Русинах
В тых днях дістала ся мі до рук публікація „Praha a menšiny“ (Sborník přispěvků z mezinárodné konference konané v Praze dne 4. prosince 2014), зоставителями якой суть Андрей Сулітка і Зденєк Угерек. Выдав ю: Етнолоґічный інштітут Академії наук Чеськой републікы у сполупраці з Маґістратом головного міста Прагы і Домом народностных меншын у Празї (Прага, 2015). Про мене тота публікація є цїнна і прото, же єм быв прямым участрником конференції і там ня порадовало, як Чехы, їх різны інштітуції беруть важно проблем народностных меншын у Празї і обще в Чеську.
Книжка ся складать з такых капітол: „ I. Předmluva a úvodní přispěvky“,в котрій суть рефераты „Praha a menšiny“ од Їржіго Дінсбіра, міністра про людьскы права, рівны можности і леґіслатіву і председы Леґіслатівной рады влады, „Pražská setkání narodnostních menšín“ Вацлава Новотного, представителя головного міста Прагы, „Aktualní informacek práci Rady vlády pro národnostní menšiny“ oд Мартіна Мартінкy, кацеларя Рады влады про справы ромской меншыны і секретаріату Рады влады про народностны меншыны.
Дале слїдують такы части публіклації як „Přitomnost narodnostních menšín a jejich aktivity“, в котрій выступили: З. Угерек, Я. Балажова, Я. Штєдронь, Р. Беркіова, А. Пілатова (Общество приятелїв Підкарпатьской Руси), І. Золотерєв і А. Сулітка. Про нас найінтереснїшым была статя доц. ПгДр., А. Плїшковой, ПгД., на тему „Русиньскый язык на Словакії 20 років по ёго кодіфікації‟. В тій части суть іщі публікованы рефераты такых авторів: Г. Носкова і Л. Їраскова, М. Хырзквовксый і М. Дзінґел.
Четверта часть публікації, то суть „Narodnostní mеnšiny a migranti‟ , а тоЕ. Яньской, А. Ковачевіч, С. Броучка, Б. Райчінця, Д. Бржезіновой і Я. Чопіка.
Публікація є нелем інтересна, але і хосенна, жебы сьме знали, як жыють і діють многы народностны меншыны в Чеську, в тім чіслї главно Русины. Видно, же чеська влада приступать к рїшіню народностных меншын серьёзно, тадь їх представителї суть жытелями Чеська і дають свій всесторонный вклад до розвитку чеськой културы вообще і русиньской културы окреме.
А. З.