Інтернетова петіція ку презідентови Україны Петрови Порошенкови о узнаню Русинів
Од 9. октобра 2015 р. тырватя збераня підписів у рамках інтернетового сістему петіцій ку презідентови Україны – Петрови Порошенкови. Петіція ся тыкать узнаня Русинів на державній уровни, а єй автором є Юрій Продан з „Общества ім. Александра Духновича‟.
Україна – то єдина держава во світї, котра хоснує комуністычный погляд із 20. років ХХ. ст., т.є. періоду неславного сталінізму, в якім не узнає Русинів і русиньскый язык. Хоць міджінародны договоры завязують Україну до їх підтримованя (м.ін. Европска харта реґіоналных іменшыновых языків – документ сіґнованый Радов Европы), а і даякы україньскы законы несміло споминають о Русинах і русиньскім языку, доднесь автохтоны з Підкарпатскій Руси, котра од 1945 р. находит ся в граніцях Україны (перше УРСР), не мають жадне спертя зо стороны державы на охорону і розвиваня своёй ідентічности.
Днешня Україна, роздерта войнов на выходї державы, з надіёвпозерать на Европску унію, як на свій актуальный політычны напрям. Од 2016 р. буде зобовязовала асоціячна догода ЕУ – Україна, але дорога до повной інтеґрації з Европов не є легка, мать тыж свої ясно окреслены прінціпы, записаны в тзв. копенгажскых крітеріях, подїленых на дві ґрупы. Жебы зачати думати о членстві в Европскій унії, Україна, окрем економічных пожадовань, муситьсповнити політічны: стабілна демокрація, верховность права, решпектованя людьскых прав і решпектованя прав меншын. Аж по тім кажда окрема членьска держава ЕУ може голосовати за принятя нового члена і довгов путёв присвоїня Українов европскых норм до своїх законів.
Демократізачну і проевропску дорогу може помочі Українї облегчати через підписаня спомянутой електронічной петіціїку Петрови Порошенкови, котра находить ся на тім місцю, жебы презідент Україны взяв єй до увагы, треба вшыткого 25.000 підписів.