Новинкы • 46/2015 - Aкадемія

Aкадемія
Новинкы • 46/2015

Председа РОС абдіковав на функцію

2-го новембра 2015 р. абдіковав на свою функцію Інж. Мілан Мнягончак, дотеперїшнїй председа Русиньской оброды на Словеньску (РОС) – найстаршой і найвекшой русиньской орґанізації на Словакії по 1989 роцї. Повіреный веджінём РОС є Інж. Мартін Караш, підпредседа РОС. Абдікацію Мнягончак пояснив здравотныма причінами.

Рада влады схвалила оцїнюючі справы. Російскый і сербскый языкы бы мали быти на Словакії меншыновыма

Рада влады про людьскы права, народностны меншыны і родову рівность Словацькой републікы в октобрї 2015 р. на своїм 22-ім засїданю схвалила Оцїнюючу справу о підпорї култур народностных меншын за 2014 рік, Справу о ставі народностного школства за 2014 рік і Справу о хоснованю языків народностных меншын за 2014 рік. Інформує о тім інтернетовый сайт повіреной задачами уповномоченого про народностны меншыны і етнічны ґрупы.

Закарпатя в інтелектуалных діскурзах о Українї по роцї 1991

Інштітут русиньского языка і културы Пряшівской універзіты у Пряшові Вас позывать на 32-ый научный семінар карпаторусиністікы, якый буде 11-го новембра (середа) 2015 р. о 13.00 год. в засїдалнї Consilium maius (2. шток, ч. 328) Ректорату Пряшівской універзіты, ул. 17. новембра ч. 15.

Писатель Михал Шмайда ся дожыв 95 років

2-го новембра 2015 ся дожыв красного юбілею – 95 років жывота, вызначный писатель русиньского походжіня Михал Шмайда.

Штефан Ладижіньскый оцїненый владыком Іоаном

В днях од 6-го до 8-го новембра 2015 р. в ґрекокатолицькім Катедралнім соборї св. Іоана Хрестителя у Пряшові одбыв ся уж 24-ый річник Фестівалу духовного співу візантійского обряду під покровительством владыкы Іоана (Бабяка), пряшівского архієпіскопа і метрополіты.