Оцїнили Петра Трохановского і далшых трёх

10. – 12.  октобра 2014 в польскім купельнім містї Криниця, де жыють тыж Лемкы, ся одбыло 8. бєнале лемківской/русиньской културы, котрый быв богатый на многы акції різных форм културы і уменя з міджінароднов участёв.Нам не іде о то, писати о цїлым бєнале, котре того року зорґанізовала Руска бурса і Стоваришыня Лемків, бо о попереднїх подобных річниках сьме писали дость, але нам іде о то, жебы сьме дали людём знати, жев рамках бєнале почас перерваня културного проґраму 11. октобра 2014 на сценї Главной пиялнї в Криницї Світова рада Русинів на челї з Дюром Папуґом святочно передала Честны узнаня Василя Турка-Гетеша за вызначне русиньске дїло Петрови Трохановскому з Польска, Аранцї Медєші зо Сербії, Ларисї Андрелі з Україны і о. Василёви Бойчукови з Румунії. Ґратулуєме оцїненым! Апропо, А. Медєші і Л. Андрела не суть барз знамы у сферї русиньского руху в світї і нияк раз їх не мож давать на єдну миску ваг з П. Трохановскым (Мурянком), котрый за послїднї десятьроча у сферї русинства зробив барз много. Также не знаме, ці треба вшыткых оцїнёвати, або за кажду цїну оцїнёвати?!

-аз-