Вмер о. Штефан Сюч із Підкарпатя

9. децембра 2015 в Хустї (Підкарпатьска Русь) у 84 роцї жывота вмер протоєрей Штефан Сюч.

Отець Штефан Сюч ся народив 11. януара 1931 р. в селї Теково (Tekeháza) над Тисов. Учів ся в хустьскій ґімназії, де жыву містній ґрекокатолицькій бурсї «Алумнеум». В 1955 р. скінчів штудії наЗоотехнічнім інштітутїу Львові, пак штудовавнаВетерінарній академії в Москві. По штудіяхся вернув на Підкарпатя і робиву Рахові. Довгы рокы помагав як прислужник о. Миколаёви Ляховічови – тайному священикови, при одправах ґрекокатолицькых літурґій. Од нёго у 1968 р. дістав рекомендацію, доручену мукачовскому єпіскопови русиньской ґрекокатолицькой церькви, на тайны богословскы штудії. З причіны політічного пронаслїдованяґрекокатоликів на совєтьскій Українї, аж по двадцятёх роках міг доступити до хіротонії.  Быв высвяченый 26. юла 1990 р. русиньскым мукачовскым владыком Іоаном Семедіом в селї Білкы при Іршаві, єдным із найвекшых сел на Закарпатю (7.500 жытелїв). Найперше быв парохом у селах Міжгірьского раёну, а пак зістав деканом Тячівского, Рахівского і Хустьского раёнів. Дякуючі ёго орґанізаторьскым способностямбыв збудуваный, а в 2005 р. высвяченый новый храм св. Первомученика і Архідіякона Штефана і св. Великомученика Пантелеймона. В тій церькви о. Штефан Сюч служыв до кінця своїх днїв.

Покійный о. Штефан Сюч быв актівным підпорователём русиньского руху на історічній теріторії Русинів – Підкарпатьскій Руси. Быв орґанізатором і участником многых акцій, фестівалів і мітінґів. Брав участь в конґресах Русинів як член презідії Народной рады Русинів Закарпатя.

Послїднїй раз слухателї радія ЛЕМ.фм могли чути ёго голос в октовбру т.р., коли славностно отворяв фестівал “Червена ружа” в Мукачові і молив ся за будучность вшыткых Русинів світа.

10. децембра о 17.00 год. в церькви св. Штефана і св. Пантелеймона в Хустї проходило богослужіня за усопшым священиком. Погріб о. Штефана Сюча быв 11. децембра о 10.00 год. Архієрейску літурґію одправив помічный єпіскоп мукачовской русиньской ґрекокатолицькой єпархії – Ніл (Лущак).

Царство Ёму небесне. Вічная память.

Боґдан ҐАМБАЛЬ