«Світ під Кычеров» на Лемковинї і Пряшівскій Руси!

XVIII.  Міджінародный фолклорный фестівал «Світ під Кычеров», в тым роцї, як і в попереднїх, пришов зась на теріторію Карпатьской Руси!

27. юна 2015 проходив першый концертовый день в Криніцї на Лемковині, де загранічны гостї і Лемкы положыли квітя ку памятнику Никифора. Пак мала своє місце парада на криніцькім намістю, котра была лем вступом перед ґалаконцертом, котрый в Криніцї обыв ся третёго дня фестівалу. В тот самый день одбыли ся тыж концерты в другых лемківскых селах: Ґладышові, Устю Руськым і Брунарах.

Другый день фестівалу, 28. юна 2015, фестівал мал уж місце на Пряшівскій Руси, бо народны і ентічны умелецьикы ґрупы завітали до русиньского села Курів. Тот концерт був під назвов І світ пришол до Курова.

Третїй день то было навернутя на Лемковину і зась выступы в лемківскім містї Криніця. Хоць в першый день мали місце анімації на криніцькім намістю, то на тот раз, 29. юна 2015, одбыв ся і  ґалаконцерт, завершаючій І. часть фестівалу «Світ під Кычеров».

Далша часть фестівалу буде проходити на чужынї, то значіть на Нижнїм Шлеску.

Северіан КОСОВСКЫЙ